|
 |
Ultra dal sustegn da las occupaziuns en scola, ha sa chapescha er il temp liber gronda impurtanza. Mintga cuminanza da plaun è responsabla durant in tschert temp per la structuraziun da la purschida dal temp liber. Diversas occurrenzas, la scuntrada da la mesemna sera ed in bun dumber da festas sco er d'excursiuns promovan la cuminanza.
Per las amaturas ed ils amaturs da la musica stattan a disposiziun sis stanzas da musica, quatter cun in clavazin, sco er in local per ina band cun ina battaria. Per quellas e quels che preferschan da tadlar musica, stat a disposiziun ina tur HiFi potenta en il plaun da divertiment. |
 |
Tgi ch'è anc gugent activ cun tadlar musica dat dart, pingpong, fussballin, bigliard, gieus da cumpagnia (er in schah ed in mulin or en il liber) u ch'ella u el sa tschertga ina plazza patgifica en l'ustaria u en il chantunet da leger.Las gasettas e las revistas las pli impurtantas en las trais linguas chantunalas stattan a disposiziun. 12 computers ed access gratuits a l'internet procuran per anc dapli infurmaziuns.En il convict pon ils fans da sport stgargiar lur energias sin in champ cumbinà da miniballape e d'unihockey. Ultra da quai ans stattan a disposiziun durant tschertas uras ils stabiliments da sport Sand cun las hallas, ils prads e cun il local da fitness. Sa chapescha che la commembranza tar uniuns da sport, da cultura u autras uniuns a Cuira vegn er sustegnida. |
 |
Tgi che preferescha mo da guardar tiers, quella u quel prenda plazza davant il monitur grond u davant ina da las duas televisiuns.
La sortida: Qua vegn per regla appellada l'atgna responsabladad, a medem temp vegn promovida la transparenza. Las persunas maiorenas survegnan ina clav-chasa permanenta. Las persunas da 16 fin 18 onns pon dumandar ina clav da sortida. A las abitantas ed als abitants sut 16 onns vegni permess dad ir en sortida suenter las 21.00 tenor consultaziun cun ils geniturs. |
|
|
